<?xml version="1.0" encoding="UTF-8"?><song><hymn_number>122</hymn_number>
<lyrics>[V1]
 Hitako izao, sakaiza,
 Ny fahasambarana,
 Ka ny foko faly, ravo,
 Manam-piadanana.
 Teo am-pototry ny hazo
 Nijalian'ny Tompoko,
 Teo aho no nahazo
 Famelana heloka.

[V2]
 He ! ny indrafo niriko,
 Efa azoko tokoa,
 Ka Jesosy no fidiko,
 Fa Izy fototry ny soa,
 He ! ny rany sarobidy,
 Nanadio ny otako
 Izaho efa voavidy.
 Lanitra no lovako.

[V3]
 Tena soa mahagaga
 Izao nomenao ahy izao,
 Fa izaho izay mpanota,
 Dia nohavaninao ;
 Ka izaho dia hidera
 Izato fitiavanao
 Ary koa hanambara,
 Jeso ô ! ny herinao.

[V4]
 Ry Mpamonjy ô ! mba raiso
 Izao fisaorako izao ;
 Ka izay rehetra ahy
 Dia atolotro Anao,
 Raha tonga re ny fetra
 Hialako sasatra,
 Ento aho hitoetra,
 Eo anilanao arý.</lyrics>
<title>Hitako izao, sakaiza FFPM122</title>
<author>J. McGranahan</author>
</song>